Humbjen e finales, huliganët e Feyenoord u duk se e gëlltitën të qetë në Tiranë. Por dëshpërimin e shfaqën në Roterdam, ku kanë shfryrë me përleshje të tjera kundër policisë holandeze.
72 të arrestuar dhe 2 policë të plagosur ishte bilanci i përleshjeve sipas mediave holandeze.
“Njerëzit ishin të shqetësuar në disa vende të qytetit” shkruan NL Times.
Policia hodhi uji kundër turmave të irrituara në Coolsingel dhe Hofplein për të pastruar rrugët. Protestuesit iu përgjigjën me fishekzjarre dhe pishtarë. Ata gjithashtu qëlluan oficerët e policisë me gurë, gota dhe shishe. Dy policë pësuan lëndime të lehta kur një gotë qelqi dhe një gur u hodhën nga turma.
Një zëdhënës i policisë tha se ka pasur trazira në disa vende të qytetit. Fishekzjarret janë dëgjuar veçanërisht në qendër të qytetit. Rebelët shkaktuan gjithashtu “dëme të konsiderueshme”, tha zëdhënësi, duke përfshirë një tramvaj dhe një autobus.
Policia tha se arrestime të tjera mund të pasonin dhe u bëri thirrje kalimtarëve që të shpërndanin pamjet e filmimeve në mënyrë që të mund të identifikoheshin autorët e shkatërrimeve.
Situata ishte e qetë në qytet rreth orës 1:00 të mëngjesit të së enjtes.
